Тілдер күні. Тілдер көп - Отан бір.

«Балбөбек» бөбекжайында» МКҚК-де Қазақстан халқының тілдері күніне арналған тақырыптық іс-шаралар өтті.

Тәрбиеленушілер өлеңдер оқып, әндер орындады, қызықты ойындарға қатысып, қазақ және орыс тілдерінде танымдық тапсырмалар орындады. Іс-шаралар балалардың сөздік қорын молайтуға, сөйлеу тілін дамытуға және тілдерді үйренуге деген қызығушылығын арттыруға ықпал етті.

Мемлекеттік тілді, еліміздегі түрлі халықтардың мәдениеті мен салт-дәстүрлерін құрметтеуге ерекше көңіл бөлінді. Мұндай іс-шаралар балаларды кішкентай кезінен достыққа, өзара түсіністікке, толеранттылыққа және Отанды сүюге тәрбиелейді.

Тіл — халықтың қазынасы, бірлік пен келісімнің негізі! Балалардың ана тіліне және өзге халықтардың тілдеріне деген қызығушылығы күн сайын арта берсін!